Magsugod paagi sang TIMAAN SANG SANTA CRUZ:
Sa ngalan sang Amay, kag sang Anak, kag sang Espiritu Santo. Amen.
Dayon magpahayag sang KREDO SANG MGA APOSTOLES
Nagatuo ako sa Dios Amay nga makagagahom. Tagtuga sang langit kag duta. Nagatuo ako kay Hesucristo iya bugtong na Anak, aton Ginuo. Ginpanamkon sa gahom sang Espiritu Santo kag gin-bunag ni Birhen Maria. Nag-antus Sia sa idlaom ni Poncio Pilato, ginlansang sa krus kag ginlubong. Nanaug Sia sa minatay. Sa ikatlo ka adlaw nagbanhaw Sia liwat. Nagsaka sa langit kag nagalingkod sa tuo nga kamot sang Amay. Magabalik Sia sa paghukom sang buhi kag minatay. Nagatuo ako sa Espiritu Santo, sa balaan nga Katoliko nga Simbahan, sa pag-isa sang mga Santos, sa pagpatawad sang mga sala, sa pagkabanhaw sang lawas kag kabuhi nga wala sing katubtuban. Amen.
Dayon magpanghadî sang isa ka Amay Namon kag tatlo ka Maghimayâ Ka Maria kag isa ka Himayâ sa Amay Kag sa Anak Kag sa Espiritu Santo
AMAY NAMON
Amay Namon, nga yara sa mga langit,Pangmuyoon ang Ngalan Mo,Mapasaamon ang kaharian Mo,Matuman ang imong kabubut-on, diri sa duta pakadto sa langit,Tagai kami sa amung kalan un sa adlaw adlaw,Kag pasayloa kami sa amun nga mga sala,Kag mapasaylo man kami sa mga nakasala man sa amun,Kag indi Mo kami ihatag sa mga pagsulay,Hinooa luwasa kami sa mga panulay.Amen.
MAGHIMAYÂ KA MARIA
Maghimaya ka Maria, puno sang grasya. Ang Ginuo yara sa imo. Bulahan ka labi sa tanan nga mga babaye kag bulahan ang bunga sang imo tiyan nga si Hesus.Santa Maria, Iloy sang Dios, i-ampo kami nga makasasala, karon kag sa tion sang amon kamatayon. Amen.
HIMAYÂ SA AMAY KAG SA ANAK KAG SA ESPIRITO SANTO
Himayâ sa Amay kag sa Anak kag sa Espiritu Santo. Subong sang ginsugu-ran karon kag sa gihapon, sa kalibutan nga wala sang katapusan. Amen
-------
Ang Santo Rosaryo ginabahin sa tatlo ka parte sa kada pagpahayag sang kada Misteryo sang kabuhî ni Hesus kag Maria. Sa pagpamalandong sang kada Misteryo, magpanghadî sang:
- 1 ka Amay Namon;
- 10 ka Maghimayâ Ka Maria;
- 1 ka Himayâ sa Amay, Anak kag Espirito Santo.
Kada tapos sang isa ka Misteryo, magpangamuyô sang
PANGAMUYÔ SANG FATIMA
O Hesus ko, patawara ang amon sala, luwasa kami sa mga kalayo sang empierno, dalha ang tanan nga mga kalag sa langit, labi gid ang may daku na kinahanglan sang imo diosnon nga kaluoy.
Ini tanan nagahimô sang isa ka Dekada.
------------------------
Pagkatapos sang lima ka misteryo (lima ka dekada), magpangamuyô sang
MAGHIMAYÂ KA REYNA
Maghimayâ, Balaan nga Reyna, Iloy sang kaluoy; amon kabuhi, amon katam-is kag amon paglaom. Sa imo kami nagapanawag, mga tinapok nga anak ni Eva, sa imo kami nagapadala sang amon panghakroy, kasubo kag pag-tangis sa sining duta sang mga luha. Gani, balikda kami, o labing mabuot nga mananabang, sang imo mga mata sang kaluoy, kag pagkatapos sining pagtapok, ipakita sa amon ang bulahan nga bunga sang imo tian, si Jesus. O maluluy-on, O mahigugmaon, O matam-is Birhen Maria.
Igampo mo kami, O Santo na Iloy sang Diyos
Na kami mangin takos sa mga saad ni Kristo.
MANGAMUYÔ KITA
O Dios, nga ang imo bugtong nga Anak sa iya kinabuhi, kamatayon kag pagkabanhaw nagbakal tuhoy sa amon sang mga padya sang kaluwasan nga dayun, itugot, nagapangamuyo kami, nga sa pagpamalandong sining mga misteryo sa labing balaan nga Rosaryo sang Bulahan nga Birhen Maria, amon kabay nga mailog ang ila kaundan kag maambit ang ila ginasaad, paagi kay Kristo nga among Ginuo. Amen.
